Deputeti demokrat, Flamur Noka, foli në Kuvend lidhur me skandalin tek Onkologjiku.
Noka theksoi në fjalën e tij se duhet shmangur histeria ndaj bluzave të bardha, pasi në mesin e tyre ka mjaft profesionistë që shërbejnë me përkushtim ndaj qytetarëve.
Sipas tij, skandali i këtyre përmasave nuk i duhet atribuar mjekëve, por sistemit. Ai theksoi se e gjitha është e orkestruar nga qeveria që dëshiron të shmangë përgjegjësinë nga vetja.
“Janë më të keqpaguarit e Europës dhe kanë punuar e punojnë me përkushtim për t’iu shërbyer dhe për t’u ardhur në ndihmë pacientëve, këtë nuk duhet ta harrojmë asnjëherë. Edhe dje, pra tek Onkologjiku, shërbimi dhe përkushtimi ka qenë i mjekëve dhe i stafit, ndaj duhet të jemi të kujdesshëm dhe kurrë nuk do të ngrejmë histeri kolektive kundër mjekëve, por kjo gjë ka një burim, propagandën e qeverisë për të shpëtuar nga burimi i së keqes edhe tek Onkologjiku, edhe tek sistemi shëndetësor e kudo tjetër.
E gjitha kjo ka një burim; propagandën. Burimi i së keqes edhe tek onkologjiku edhe në çdo sistem tjetër, bëhet me regji që nesër Rama t’u thotë shqiptareve të lodhur e sfilitur me shëndetësinë falas se ja fajtorët nuk jemi ne, por janë mjekët, ata që hanë kumbulla pas shpinës së kryeministrit. E gjitha kjo ka një qëllim, të spostohet vëmendja nga batërdia e qeverisë. Ka mjekë që e ndyjnë bluzën e bardhë dhe e shkelin betimin e Hipokratit, por spitalet në Shqipëri janë në ditën më të zezë, të vetmit që janë brenda karakatinave janë stafi shëndetësor, në çdo spital ka problematika të rënduara në aspektin e imazherisë.
Duhet të kemi një gjë parasysh, spitalet që po mbyllen në të gjithë Shqipërinë. Isha në Has para disa ditësh, se kjo zonja nuk është, dhe po mbyllej spitali i Hasit, po ato spitale që janë nëpër qytete të Shqipërisë, janë hane, peshku qelbet nga koka, nga Ali Baba dhe 40 hajdutët. Në të gjithë këtë batërdi ka një përgjegjës, Edi Rama dhe qendra e hajdutëve. Ka vetëm një rrugë Shqipëria të ndryshojë vullneti politik, vullneti juaj është për të vjedhur sa kohë të keni Ali Babën”, u shpreh ai.
Discussion about this post