“Non gratat” e reja nga Britania, Sula: 10 janë ministra e deputetë të PS

Deputeti i PD-së Dashnor Sula tha sot se në Shqipëri ka mbërritur një listë e re nga Britania e Madhe me 12 emra që janë shpallur “non grata”.

I ftuar në emisionin ‘Studio Live’ në Report Tv, Sula tha se nga 12 emrat, 10 janë të shumica ndërsa 2 nga opozita.

Po kështu demokrati tha se emrat në radhët e opozitës janë modestë, ndërsa në radhët e qeverisë bëhet fjalë për deputetë e ministra.

“Ka ardhur një listë e re nga Britania e Madhe. Janë 12 emra, 10 mazhoranca, 2 opozita. Tek opozita janë në nivel normal e në nivele të ulëta, ndërsa tek mazhoranca janë në nivele shumë të larta, deputetë, ministra dhe shumë të tjerë. E ka njoftimin qeveria! A ka normalitet që të flitet për ‘non grata’. I ke edhe ish-ministra, edhe janë” – tha Sula.