Të enjten në orën 19:45 Dinamo do të përballet me Tiranën për ndeshjen e kthimit të raundit të 1/8-ave të Kupës së Shqipërisë në ‘Air Albania’.
Duke folur në prag të kësaj ndeshjeje krah trajnerit Blendi Shkëmbi, portieri Edvan Bakaj është shprehur se kjo përballej është shumë e vështirë, ndërsa ka theksuar se për të është edhe shumë emocionuesi, pasi përballet me ish-skuadrën e tij.
“Kemi një ndeshje me Tiranën. Jemi përgatitur shumë mirë këto ditë. Është e vështirë. E dimë që kemi bërë mirë. Kemi punuar gjatë këtyre ditëve. Nesër do të jetë tjetër ndeshje. Është e vështirë pas çdo humbje. Për fat kemi lojtarë me eksperiencë. Kemi biseduar me njëri-tjetrin. E kemi kaluar, na ka bërë mirë dhe pushimi. Kam kaluar disa vite shumë të mira aty dhe jam falënderues. Është pak emocion. Por, kur fillon ndeshja harrohet çdo gjë. Përqendrimi është maksimal për të arritur objektivin”.-u shpreh ai.
Ndërsa rikujtojmë se derbi i parë mes tyre për Kupën e Shqipërisë u mbyll me shifrat 2-0 për ‘Blutë’ e kryeqytetit./K.T/Gijotina.com
Discussion about this post