“Nuk bëhet për hallet e qytetarëve”, Xhaferaj kundër protestës së Berishës

Deputeti i PD Ferdinand Xhaferaj jashtë Parlamentit ka deklaruar se nuk do t’i bashkohet protestës së 7 korrikut, të thirrur nga Sali Berisha.

Ai tha se kjo protestë nuk ka të bëjë me hallet e qytetarëve, por me një hall personal. Më tej Xhaferaj sulmoi qeverinë, duke thënë se Rama prej 10 vitesh po ua nxin jetën qytetarëve.

“Jo nuk do të marrë pjesë, sepse unë jam për çfarëdolloj proteste për problematikat e qytetarëve por kjo nuk ka të bëjë me këtë. Unë nuk marr pjesë se nuk bëhet për hallet e qytetarëve. Protesta ka të bëjë me hallin personal. Rama po bën gati 10 vite që po ua nxin jetën qytetarëve, nuk mund të nxijmë emrin tone. Unë jam për ti sqaruar qytetarët se nuk ka të bëjë me ata. Rama nga dita në ditë, po ua nxin jetën po s’mund të dalim në protestë”, tha Xhaferraj.