Zbulohen detaje të tjera rreth skandalit në Prokurorinë e Shkodrës ku prokurorja Blerta Hamza ka injoruar 8 vepra të dyshuara penale duke liruar brenda dy ditëve të arrestuarin nga policia, Luvigj Shpati që shfrytëzonte në Kosovë dhe Maqedoni Eljana Sherifin nga Malësia e Shkodrës.
Sipas dëshmisë së plotë të viktimës Eljana Sherifin në Prokurorinë e Shkodrës, ku denoncon 37-vjeçarin Luvigj Shpatin se e ka shfrytëzuar në lokalet e Maqedonisë dhe Kosovës, bashkë me vajza të tjera, të cilat i sillte nga Shqipëria. Në 26 korrik të vitit 2019, e reja Eljana Sherifi ka akuzuar Luvigj Shpatin, me të cilin kishte një fëmijë jashtë martese, se e ka detyruar të punonte pa dëshirën e saj në lokale nate, se i merrte paratë e fituara, e dhunonte dhe kërcënonte sistematikisht, se e kishte martuar pa dëshirë me shokun e tij, ndërsa në fund i rrahu 3 vëllezërit, i dhunoi banesën dhe tentoi t’i merrte të birin.
Një ditë pas dëshmisë, në 27 korrik 2019, Policia e Shkodrës arrestoi vëllezërit Luvigj Shpati dhe Pavlin Shpati, për katër vepra penale të dyshuara: Dhunë në familje, dhunim banese, marrje pa të drejtë të fëmijës dhe plagosje e lehtë me dashje. Gjyqtari i çështjes, Andri Ymeri kërkoi nga prokuroria që Luvigj Shpati të hetohej edhe për veprat penale shfrytëzim prostitucioni ose trafikim i qenieve njerëzore, shtrëngim për dhënie pasurie, anosje dhe shtrëngim për martesë.
Discussion about this post