Targat serbe vijojnë të jenë një pamje e zakontë në veri të Kosovës. Gjithsej vetëm 9 makina janë kthyer në RKS, në momentin që kanë mbetur dhe më pak se tre javë deri në përfundim të afatit nga qeveria për zëvendësim të targave.
Por duhet thënë se në zonën e veriut, interesimi deri më tani është shumë i ulët.
Edhe ato dy vetura kanë përfunduar të djegura brenda natës dhe më nuk ka ndodhur asnjë regjistrim i ri në komunat veriore.
Si rrallëherë qytetarët serbë në veri hezitojnë të flasin para kamerave për këtë çështje apo përgjigjen formalisht.
“Unë nuk di asgjë, nuk po kuptoj”.
“Nuk jam as i informuar, as nuk na kanë informuar… Jo, jo, jo s’kemi informacion”.
Prapa kamerave ata thonë se janë mes dy zjarresh, t’i zëvendësojnë targat serbe me RKS u digjen veturat dhe askush nuk ua kompenson, ndërsa nëse nuk i zëvendësojnë atëherë nga 1 Nëntori nuk mund të qarkullojnë lirshëm.
Procedurat për zëvendësimin e targave për qytetarët serbë janë të lehtësuara ndërsa janë të liruar nga të gjitha pagesat. Qeveria u ka dhënë afat qytetarëve serbë që deri më 1 Nëntor t’i zëvendësojnë targat serbe në RKS.
Discussion about this post