Zbardhet dëshmia e familjarëve të Aldi Ramës. Gjyshërit e 21- vjeçarit autorit të vrasjes së nënkomisarit janë njoftuar nga media për ngjarjen e rëndë që ka ndodhur duke pretenduar se nuk kishin dijeni për krimin e kryer nga nipi i tyre.
Në një prononcim për mediet jashtë kamerave, gjyshërit kanë thënë se faji për këtë ngjarje ishte i të dy prindërve të 21-vjeçarit. Rama banonte me gjyshërit e tij ndërkohë që prindërit jetonin në një vend tjetër. Ceremonia mortore për Ramën do të mbahet në Durrës pasi aty është e ëma e tij.
Kujtojmë se 21-vjeçari qëlloi për vdekje ditën e djeshme oficerin Saimir Hoxha në Lezhë. Pas krimit ai u arratis për 5 orë dhe ishte në ndjekje të vazhdueshme nga forcat e policisë. Gjatë orëve të fundit të arratisë ai tentoi vetëvrasjen. Në momentin kur u gjet nga efektivët e policisë, i riu u dërgua në spitalin e Traumës aty ku dhe humbi jetën mëngjesin e sotëm.
