Një peshkarexhë është mbytur mëngjesin e sotëm në gjirin e Gramës në Karaburun, në të cilën udhëtonin tre persona. Sipas njoftimit zyrtar, tre marinarët kanë arritur të mbijetojnë dhe janë jashtë rrezikut për jetën.
Peshkarexha ka lëshuar sinjalin SOS rreth orës 7:00 të mëngjesit të sotëm. Policia kufitare e Dhërmiut ka shkuar në ndihmë të saj dhe ka shpëtuar marinarët, ndërsa anija është mbytur në afërsi të gjirit te Gramës.
Tre personat që ndodheshin në mjetin e peshkimit ndodhen në gjendje të mirë shëndetësore. Ndërkohë po merren masa për transportimin e mjetit lundrues.
