“Nuk do ndalemi”, Berisha mesazh pas protestës: Të shpëtojmë Shqipërinë!

Pas protestës së mbajtur dje nga Partia Demokratike, ka reaguar dhe lideri Sali Berisha. Ai falenderoi qytetarët që mbushën sheshin, duke e quajtur protestën si të jashtëzakonshme.

Berisha paralajmëroi se forca e tij politike nuk do ndalet deri sa të shpëtojë Shqipërinë.

Lexo edhe: “Shteti po na vret”/ Banorët e Bërxullës në protestë, përplasen me FNSH

“Mirëdita miqtë e mi të TikTok.

Një përshëndetje të përzemërt dhe mirënjohje të pakufijshme, për të gjithë ju, për të gjithë qytetarët që mbushën, zbukuruan aq madhërishëm Bulevardin dje me pjesëmarrjen tuaj në protestën më të jashtëzakonshme që Tirana ka njohur! Por, në këtë mesazh dua gjithashtu një falenderim dhe mirënjohje të përzemërt për të gjithë ju miqtë e TikTok që në 30 ditë e shndërruat në një histori suksesi komunikimin tonë me 1.3M shikime dhe dhjetra e mijëra ndjekës. Sëbashku ne jemi njerëz të rekordeve të mira. Treni ynë nuk ndalet më. Ai do kalojë nga një stacion fitoreje në një stacion tjetër, deri në destinacionin final. Shpëtimin e Shqipërisë, për ju, të ardhmen tuaj dhe për të gjithë shqiptarët!

Zoti ju bekoftë!

Faleminderit shumë!”, tha ai.

@prof.dr.saliberisha Një mesazh falenderimi të përzemërt. #sb ♬ original sound – Sali Berisha