Presidenti Turk, Rexhep Taip Erdoan, ka sulmuar ditën e sotme miliarderin George Soros dhe djalin e tij.
Pas kthimit në Turqi pas vizitave të tij në Afrikë, Presidenti Erdogan iu përgjigj pyetjeve të gazetarëve në avion dhe ai bëri komente të jashtëzakonshme duke akuzuar George Soros dhe djalin e tij se po përpiqen “të pushtojnë” Ballkanin me ndikimin e tyre në Maqedoninë e Veriut, Kosovë dhe Shqipëri.
“Tani po hyn edhe djali i Soros. Ai është si babai i tij. Ato duhen ndjekur me shumë kujdes. Për shembull, ata po përpiqen të depërtojnë në Ballkan, të ‘pushtojnë’ Ballkanin. Natyrisht, ne nuk do t’u japim atyre këtë mundësi. Ata përpiqen ta bëjnë këtë në Kosovë, Maqedoni, Shqipëri, kudo. Prandaj, ne duhet të jemi të kujdesshëm. Elhamdulilah, ne si Turqi jemi të fortë dhe nuk mund të depërtojnë tek ne. Ka një rënie serioze të numrit të terroristëve. Ne do të vazhdojmë luftën kundër terrorizmit me të njëjtën vendosmëri.”- tha Erdogan.
Presidenti turk Rexhep Tajip Erdogan e ka akuzuar George Sorosin edhe për ndihmën që i ka dhënë një filantropi të burgosur turk që përballet me akuza për përmbysjen e qeverisë turke , duke e përshkruar miliarderin amerikan të lindur në Hungari si një “çifut i famshëm hungarez”.
