Në mbledhjen e sotme të Këshillit Kombëtar të PD, merr pjesë dhe një nga zërat kritikë brenda PD, anëtari i këtij forumi të lartë të PD, Ilir Alimehmeti. Sipas burimeve, ish-deputeti Salianji nuk do t’i bashkohet mbledhjes pasi po zhvillon takime me demokratët në bazë.
“Sot nuk mora pjesë në mbledhjen e Këshillit Kombëtar që mos t’iu jap mundësi të shmangin vëmendjen nga skandali Rama-Balluku dhe skandali i AKSH-it”, është përgjigja e Ervin Salianjit për gazetaren e Report Tv.
Ditën e sotme Berisha paralajmëroi dhe përjashtimin e ish-deputetit Ervin Salianji, të cilin e akuzoi për bashkëpunim me Suel Çelën, kreu i bandës së Elbasanit, për organizimin e takimit të djeshëm me strukturat e PD në këtë qytet. Kjo pikë pritet të prodhojë edhe debate të ashpra në mbledhje.
Këshilli Kombëtar i Partisë Demokratike është mbledhur ditën e sotme për herë të parë pas disfatës së pësuar nga zgjedhjet parlamentare të 11 majit. Në rend dite janë përfshirë diskutime mbi situatën politike në vend, çështja e Belinda Ballukut dhe protesta kombëtare e lajmëruar më 22 dhjetor.
Para anëtarëve të Këshillit Kombëtar Sali Berisha artikuloi edhe njëherë akuzat e vjetra se zgjedhjet e 11 majit ishin farsë dhe u vodhën nga Rama i mbështetur nga bandat. Kush mendon ndryshe, pra se Rama ka fituar zgjedhjet, sipas Berishës mashtron veten ose është i mashtruar.
gijotina.com/
Discussion about this post