Temperaturat e larta dhe moti i nxehtë nuk e kanë penguar kryeministrin Edi Rama dhe “admiruesit” e tij në qeveri të vijojnë me propagandën për të inauguruar rrugë që në shumicën e rasteve janë konsideruar dështime.
Ditën e sotme është hapur rruga Kardhiq-Delvinë sëbashku me tunelin e Skërficës. Kryeministri Edi Rama ka shfrytëzuar rastin për të vijuar me shown e radhës mediatik i shoqëruar nga ministret Belinda Balluku dhe Mirela Kumbaro.
Këtë herë ai nuk ka kursyer as fëmijët e vegjël, pasi “Zeusi” i qeverisë është pritur me muzikë dhe kërcime, njësoj siç trajtohen Perënditë nëpër filma apo luftëtarët e lashtë në antikitet. Kjo shfaqje me inagurime absurde i ka nxitur qytetarët të “masakrojnë” me komente kryeministrin duke i kujtuar se rruga është nisur nga ish qeveria Berisha dhe inaugurimi është bërë 7 vite me vonesë pasi është shtyrë vazhdimisht. Ndërsa nuk kanë munguar as ofendimet me fjalë banale.
Gjithashtu komentuesit e pyesin me ironi se kur do të përfundojë rruga Korçë-Ersekë, të cilën qeveria e ka premtuar prej vitesh por nuk ka përfunduar pasi ka qenë e zënë në shpërndarjen e tenderave korruptivë. Në kulmin e krizës që ka përfshirë vendin, qytetarët nuk kanë nevojë për video ku “adhurohet” kryeministri, por zgjidhje konkrete për hallet e tyre të përditshme.
Discussion about this post