Edhe pak ditë kanë ngel nga nata e madhe e “Eurovision”, ku gjatë kësaj periudhe përfaqësuesja e Shqipërisë Ronela Hajati është vendosur në qendër të vëmendjes.
Kjo pasi fotot e performancës së saj u hoqën nga faqja zyrtare e festivalit europian të muzikës në rrjetin social Instagram. Lëvizje kjo që shkaktoi shumë reagime nga ndjekësit jo vetëm shqiptarë por edhe të huaj.
Gjithashtu, mbrëmjen e djeshme në emisionin “Goca dhe Gra”, Ronela është shprehur se e gjitha ishte një lëvizje dore dhe se duhej të ishin marrë foto të tjera gjatë performancës në skenë.
“Është një lëvizje, që thjesht shkon dora dhe është kapur aty. E di si është puna, kemi pasur një suport shumë të madh nga njerëz që as nuk i njoh. Komentet negative janë shumë të pakta. Unë i pikas këto se dua t’i shoh. Problemi është se komentet pikante janë vetëm bullizuese dhe të poshtra, sa je shëndoshur sa kile ke shtuar. Koreografia është censuruar se ka video të tjera që duhet të ishin marrë”.
Nga ana tjetër, lidhur me këtë situatë të ndodhur ka folur edhe stilisti i sajNiko Komani.
Përmes një lidhje Skype për “Friend Zone” Niko ka thënë se të gjithë janë habitur nga fshirja e fotove, pasi më herët ka pasur edhe performancë më provokuese.
“Dje kishim një takim me përfaqësuesen e Spanjës dhe ajo vetë tha që janë të gjithë të habitur me këtë gjë që po ndodh. Sepse edhe ajo vetë ka një performancë seksi. Është hera e parë që Shqipëria po komentohet pafund, çdo detaj, nga paruket, pse kjo veshje, sepse më herët vetëm është thënë, është këngë e mirë dhe vetëm kaq. Kemi parë performanca shumë të çuditshme, puthje në buzë, femra dhe meshkuj topless. Nuk e di pse Ronelës i ndodhi kjo. Ne kemi 6 ditë në Torino dhe ne kemi dal për shopping për qejfin tonë dhe na ndalonin njerëzit, madje dhe shqiptarë pafund. Edhe të gjithë janë të çuditur se pse i ndodhi Ronelës kjo”.
Ndonëse po jeton ëndrrën e saj, këngëtarja e njohur po kalon një periudhë tepër të vështirë që kur ka nisur rrugëtimin drejt “Eurovision”. Ditën e sotme ajo ka postuar në “Tëitter” një shkrim ku tregon se i mungon studioja e saj, të bëj muzikë apo fansat. Së fundmi ajo është shoprehur se ka punuar shumë për të arritur performancën që do të paraqesë në festivalin e madh por njerëzit nuk janë ende të kënaqur me të.
Discussion about this post