‘Topi i Artë’ 2021 ka sjellë një sërë diskutimesh dhe të shumtë janë personat që mendojnë se trofeun më të e rëndësishëm individual për futbollistët duhet ta kishte marrë Robert Lewandowski dhe jo Lionel Messi.
Një ndër personat që e ka thënë publikisht këtë është edhe ish-futbollisti gjerman Lothar Matthaus. Ai është shprehur i tronditur pas kësaj ceremonie dhe shprehet se asnjë më shumë se sulmuesi i Bayern Munich nuk e meritonte atë trofe.
“Të jem i sinqertë, pas këtyre zgjedhjeve nuk e kuptoj më botën. Me gjithë respektin për Lionel Messin dhe të gjithë lojtarët e tjerë të mirë të nominuar, askush nuk e meriton atë si Lewandowski. Ai theu rekordin e shekullit të Gerd Mullerit, është përsëri në krye të listës së golashënuesve më të mirë në çdo kompeticion dhe ka tejkaluar të gjithë në nivel kombëtar dhe ndërkombëtar përsëri këtë vit”,- u shpreh Matthaus./K.T/Gijotina.com
Discussion about this post