Këtë të mërkurë Juventus do të përballet në Rusi me skuadrën e Zenit, takim i vlefshëm për raundin e tretë të fazës së grupeve në Champions League.
Teksa ka folur në prag të kësaj sfide ylli i ‘Zonjës së Vjetër’ Leonardo Bonucci ka folur për situatën e klubit.
Megjithatë ajo që ra më shumë në sy ishte ‘ngacmimi’ që lojtari bëri ndaj ekipit të Inter, duke thënë se nuk e merituan Scudeton sezonin e kaluar.
“Vjet scudeton e humbëm për fajin tonë dhe jo se Interi e meritonte”,-ishte fraza që tha Bonucci. Ndërsa rikujtojmë se tashmë Juventus mund të konsiderohet se është në një fazë shumë të rëndë, pasi në 8 ndeshje të luajtura ka grumbulluar gjithësej 11 pikë dhe renditet në vend të shtatë të tabelës së Seria A./K.T/Gijotina.com
