“Të ka lali shpirt, të ka lali xhan, të ka lali zemër, o sa shumë të du”, ky ndoshta është një ndër refrenet e këngëve shqiptare që shumë pak persona nuk e kanë dëgjuar.
Është pikërisht kënga e realizuar nga njëra prej ikonave të muzikës shqiptare popullore Silva Gunbardhi në bashkëpunim me Mandi Nishtullën dhe Dafi Derti.
Kjo këngë është publikuar në 19 janar të vitit 2013 dhe në atë kohë padyshim klasifikohej në vendet e para si kënga më e dëgjuar. “Të ka lali shpirt”, ka plot 632,482,559 shikime dhe 48,742 komente në kanalin “Youtube”.
Mirëpo kjo këngë ka rënë nga fronti dhe s’do e besoni se kush qëndron në krye. Pas 6 vitesh që qëndronte në vendin e parë, Dhurata Dora në një bashkëpunim me Soolking, reperin algjerian, me këngën “Zemër”, ka thyer rekordin e vendosur nga Gunbardhi.
Projekti muzikor “Zemër” është publikuar në 19 prill të 2019 dhe aktualisht ka shifra marramendëse në “Youtube”, me plotë 665,121,473 shikime dhe 181,241 komente.
Kjo këngë u bë hit që prej momentit që u linçua dhe është kënduar në shumë vende të botës, përfshirë këtu dhe vendin e reperit Soolking.
Kujtojmë që Mandi Nishtulla dhe Silva Gunbardhi, u përballën dhe në emisionin “Shihemi në gjyq” për shkak të disa mosmarrëveshjeve në projektin e përbashkët “Të ka lali shpirt”.
Këngëtari në fjalë e akuzoi Silvën për një shumë të konsiderueshme parash dhe për atë se ka marrë një përqindje shumë të vogël.
Të gjitha të drejtat autoriale dhe të shfrytëzimit pasuror të këngës “Të ka lali shpirt” nga klikimet në YouTube, Mandi do i kërkojë në rrugë ligjore me protagonistët e tjerë.
/gijotina.com/
Discussion about this post