Paulo Dibala ishte ndër lojtarët më të mirë të skuadrës së Argjentinës në sfidën ndaj Uruguait. Mëngjarashi asistoi në golin e vetëm të amerikano jugorëve teksa zhvilloi një pjesë të parë shumë të mirë përpara se të zëvendësohej. Futbollisti i Juventusit pësoi një goditje në këmbë teksa e kishte të pamundur të vijonte për pjesën tjetër të sfidës. Mediat argjentinasi kanë zbuluar një frazë që Dibala i komunikoi shokut të skuadrës, Di Marias. “Nuk mendoj se i’a dal më” ishin fjalët e Dibalës në drejtim të futbollistit të PSG.
Tek skuadra e Juventusit janë shqetësuar pasi futbollisti në fjalë është shumë i rëndësishëm për skemat e trajnerit Masimiliano Allegri. Dibala është dëmtuar në vazhdimësi këtë sezon me skuadrën e Juventusit teksa të gjithë po presin me padurim përgjigjen e testeve mjekësore për të mësuar kohën e rikuperimit të futbollistit të talentuar.
Discussion about this post