Julia Ituma u kishte thënë shokëve të skuadrës dhe trajnerit se nuk ishte mirë dhe më pas do të shkruante “lamtumirë” në grupin WhatsApp të ekipit përpara se të rrëzohej nga kati i gjashtë i hotelit në Stamboll. Këtë e raporton gazeta turke “Hurriyet” e cila rindërton mbrëmjen e fundit të volejbollistes italiane.
Dhe pikërisht në rikonstruksionin e orëve të fundit të jetës së lojtares së klubit Igor Novara, hetuesit po punojnë për të kuptuar se çfarë ka ndodhur në pritje të rezultateve të autopsisë që u kryen mëngjesin e sotëm.
Ndërkohë ditën e djeshme në Stamboll kanë mbërritur nëna dhe tezja e vajzës e cila luajti për tre vite në Club Italia para se të mbërrinte këtë vit në Novara për sezonin e saj të parë në A1. Në sezonin e ardhshëm, ajo flitej se do transferohej drejt Cuneos ku mund të kishte luajtur si titullare.
Nëna e saj Elizabeth duke folur për “La Repubblica” ka lëshuar deklarata në të cilat thotë se nuk beson në mundësinë e një gjesti vullnetar për dhënien fund të jetës (duke dyshuar se vajza e saj është vrarë nga dikush) por hetimet duket se janë të drejtuara të gjitha drejt hipotezës së vetëvrasjes.
Deri më tani faktet janë se Julia Ituma foli deri në orët e vona të natës në telefon me një shoqe, një ish-shoqe klase (e cila më pas do t’i dërgojë mesazhe edhe shokut të dhomës duke theksuar “ajo nuk është e qetë”), më pas ka mbetur vetëm në korridorin e hotelit ku pamjet e kamerave të hotelit e tregojnë atë duke u endur dhe më pas ulur me kokën për një kohë të gjatë.
Rreth mesnatës ajo kthehet në dhomën e saj ku gjen shoqen e saj Lucia Varela dhe flet me të deri në orën një e tridhjetë kur Varelan e zë gjumi. Më pas ajo nuk dëgjon asgjë duke u zgjuar nga policia që e informon se Xhulia ka vdekur. Dje skuadra nga Novara është rikthyer në Itali.
Ndërkohë, është vendosur shtyrja e ndeshjes së parë çerekfinale të play-off-it ndërmjet Chieri-t dhe Novara-s që ishte caktuar për të dielën. Gara me siguri do të shtyhet për të mërkurën më 19 prill ndërsa ndeshja e 2-të do të rikuperohet midis të premtes dhe të shtunës./La Gazzetta dello Sport
Discussion about this post