Opinionistja e “Big Brother Vip” Balina Bodinaku ka nisur një aksion sulmi ndaj banores Monika Lubonja, duke u treguar e ashpër në dy puntatat e fundit. Mbrëmjen e djeshme gjatë emisionit live, ajo është shprehur se aktorja nuk ishte në paqe në veten dhe prandaj mendon dhe vepron kështu. Ndërsa Monika i është kundërpërgjigjur duke mos pranuar asnjë koment të saj.
Balina: Mënyra se si ti vepron tregon se nuk je në paqe me veten. Monika qëkur ka hyrë e ka marrë atë rolin e vet dhe diçka nuk i ka shkuar si duhet.
Monika: Ato mbaji për vete. Nuk mund të bëj lojë para publikut, zonjën dhe vlerën e bëj duke thënë që nuk jam e mërzitur por e ofenduar. Do dëshiroja që të ishit 48 orë për të kuptuar e sa grua e matur dhe sa zonjë është Monika. Është shumë e lehtë të shohësh nga jashtë. Ju se ndiqni dot, i ndiqni me fragmente dhe në dhomën e rrëfimit kam thënë se Semi është një gocë e zgjuar që di të flasë dhe ta përballojë vetë. Nuk e pranoj dot. Është ndryshe momentin kur unë jam e mbushur.
Edhe pak ditë më parë, gjatë emisionit live, Bodinaku sulmoi Lubonjën për lojën që kishte bërë me Fifin, por që nuk ishte pritur mirë nga Semi, megjithëse dy banoret e BBV kishin marrë leje nga produksioni dhe në asnjë moment produksioni nuk u kishte thënë ta ndërpresin. Në këto kushte, Bodinaku në vend që të sulmonte produksionin zgjodhi të sulmojë Monikën si ideatore të lojës, ndërkohë që edhe vetë Semi nuk kishte shkuar asnjëherë në dhomën e rrëfimit që të shfaqte shqetësimin e saj. Madje, kjo u komentua nga banorët si aktrim i Semit sesa shqetësim serioz i saj.
