Ky dimër pritet të jetë i butë, për sa i përket situatës me Covid-19 në vend, duke krahasuar me sezonin e shkuar.
Mjeku Ilir Alimehmeti pohon se popullsia shqiptare ka arritur një imunizim në masën 70% ndaj koronavirusit. Sipas tij, rastet e reja kanë një frenim, ndërsa rastet e rënda janë tek personat e pa imunizuar. Studimi i Akademisë së Shkencave, doli 73.3% imuniteti, patjetër që kjo është në rritje. Por në nivel shteti, kjo shifër është më poshtë.
Ndër të tjera, mjeku Alimehmeti deklaron se vendi nuk ka pse të mbyllet apo të shtrëngohen masat. Tashmë dhe procesi i vaksinimit ka ecur, ndaj një mbyllje do të ishte e gabuar.
Në lidhje me Delta Plus, ai ka pohuar se nuk ka një transmetueshmëri shumë të lartë, për momentin është variant në monitorim. Gjithashtu mjeku pohon se qytetarët duhet të paraqiten në spitale për të marrë trajtim mjekësor.
“Ndjekja spitalore është primare. Shifrat nuk i kemi aq të larta fatmirësisht, siç kemi qenë në janar-shkurt. Në këto momente që flasim kemi të shtruar 160. Shohim që shumica dërrmuese janë persona të pa imunizuar”, tha Alimehmeti.
