Deputeti i PD-së dhe kryetari i degës së Fierit, Luan Baçi, ka komentuar pritjen e Berishës në Fier, gjatë aktivitetit “Foltorja”. Baçi tha se baza e PD në Fier e mbështet Berishën dhe se janë shokuar nga vendimi i Bashës për përjashtimin e tij.
Deputeti tha se është takuar me Lulzim Bashën, por nuk ka pasur ndonjë kërkesë apo kërcënim prej tij, pas takimit të Berishës në Fier.
“Asnjëherë nuk e kam mohuar respektin për Sali Berishën dhe kontributin që ka dhënë për PD-në. E prita Berishën, i ndërgjegjshëm për punën që bëja. Veprova në atë mënyrë, do të veproja 100 herë ashtu po të kthehesha mbrapa. Kjo solli rezultat pozitiv. Baza në Fier, njerëzit nuk janë dele për të qenë në rresht. Nuk kanë mendimin të jenë pro Bashës dhe pro Berishës.
Si veprim, përjashtimi i Berishës nuk është pritur mirë. Ndoshta Basha është nisur për mirë, por efekti ka qenë negativ, pritja nuk ka qenë aspak i mirë. Këto po e shohim tek e gjithë baza e partisë, votuesit, baza, dashamirësit e PD. Kam pasur takime me Bashën edhe pas ditës së martë. Kemi diskutuar problematikat. Sa për presionet, absolutisht kurrë, nuk ka shans të më bëjë mua presion, nuk i llogaris farë. Kam pasur bisedë normale me të” – tha Baçi.
Më tej Luan Baçi ka thënë se PD nuk merr në shqyrtim vendimet e Amerikës, por mbledh forumet për vendimet e PD dhe problematikat që shqetësojnë partinë. Ai gjithashtu se aksionin e Berishës nuk sheh si pengesë, madje e ka quajtur shumë të mirë një lëvizje të tillë.
