Vllaznia nuk ia del dot përballë AEL Limassol në raundin e dytë të Conference League. Pasi humbi 1-0 sfidën e parë në Qipro, ekipi shkodran u mposht me të njëjtin rezultat edhe në “Loro Boriçi”.
Skuadra mike realizoi golin e fitores në minutën e 20-të. Stefan Scepovic mori një asist nga spanjolli Manuel Torres, iu shkëput bukur mbrojtjes vendase dhe dërgoi topin në rrjetë.
Vllaznia nuk ia doli dot të rihapë ndeshjen, pavarësisht se u mbështet nga një numër i madh tifozësh. I pafat Dilaver që u ndal nga shtylla. Përfundimisht 0-1 dhe AEL në raundin e tretë të CL falë rezultatit të përgjithshëm 2-0.
