Policia ka arritur të marrë më në fund dëshminë e Ylli Brahimit, i cili mendohet të jetë shënjestra e atentatit në Milot, ku mbeti i vrarë miku i tij Klisman Preçi. Kujtojmë që kanë kaluar 10 ditë nga atentati i Milotit dhe pas 2 tentativave të dështuara policia ka arritur të marrë një version të ngjarjes të Brahimit.
“Nuk kam konflikte, nuk vura re asgjë të dyshimtë para atentatit. Nuk e di kush mund të jenë autorët”-mësohet të jetë shprehur Ibrahimi.
Brahimi, i plagosur rëndë nga atentati ndodhet në gjendje të rëndë në spitalin e Traumës.
Burimet kanë bërë të ditur se edhe masat për mbrojtjen e tij janë shtuar ndërsa në dhomën e Brahimit, hyjnë vetëm familjarët dhe punonjës të policisë që janë pjesë e grupit hetimor duke e mbajtur në ruajtje 24 orë.
Policia e Laçit dhe prokuroria janë ende larg në hetimet për qartësimin e situatës dhe identifikimin e autorëve të atentatit në Milot. Agresorët janë kujdesur me përpikmëri, që në këtë krim të linin shumë pak prova, të cilat do i shërbenin grupit të hetimit për zbulimin e ngjarjes.
Ajo çfarë hetuesit kanë mbledhur gjatë këtyre 7 ditëve për këtë ngjarje kriminale, janë vetëm 108 gëzhoja kallashnikovi, një automjet “Audi” të djegur dhe dy armë të djegura.
Njëherësh ekspertiza, ka provuar se ditën e krimit, DVR-ja në shtëpinë e Brahimit, që mbante në memorie filmimet nga kamerat e sigurisë, ka qënë e fikur.
Discussion about this post