Një nga rregullat e Parlamentit në vendin tonë është se deputetët kanë dhe të drejtën e pyetjeve, si mjet kontrolli parlamentar. Por shumë të pakët janë ata që e përdorin. Sipas të dhënave, në këtë sesion të këtij viti nga 140 ligjvënës, vetëm 9 deputetët i janë drejtuar institucioneve me kërkesa për informacion.
Vihet re se më kërkuesit kanë qenë deputetë të opozitës me në krye të listës deputeten Jorida Tabaku, e cila i është drejtuar disa herë Ministrisë së Financave, e po ashtu SPAKU-ut për informacione mbi kallëzimet penale. Arsimi dhe shëndetësia kanë qenë më në vëmendje të deputetes Albana Vokshi, duke kërkuar të di më shumë mbi pagat e punonjësve të shëndetësisë dhe numrin e nxënësve në arsim.
Deputeti Ervin Salianji ka qenë ndër më aktivët. Është interesuar për kontratat koncensionare apo subvencionet në bujqësi. Edhe pse nuk është më kryebashkiak, Zef Hila nuk lë të qetë organet lokale të Shkodrës. Si deputet vazhdon të jetë i interesuar mbi pagesën e taksave në Vaun e Dejës, që e ka drejtuar deri në 2019. Ajo që u quajt krizë energjitike ndërkohë ka marrë vëmendjen e deputetit demokrat Helidon Bushati, që do të dijë më shumë mbi kontratat e lidhura nga KESH dhe OSSHE
Discussion about this post