Sukseset për Dua Lipën nuk kanë të ndalur! Këngëtarja shqiprtare vazhdon të rrëmbejë çmimet e njëpasnjëshme, dhe këtë herë i ka vënë ‘vulën’ arritjeve me 2 çmime të fituara në “Brit Awards”.
Dua ishte nominuar në tre kategori dhe prej tyre arriti të rrëmbente çmimet “Këngëtarja më e mirë” dhe “Albumi më i mirë” për albumin e saj “Future Nostalgia”.
Pas fitores së madhe, nuk kishte si të mos e shprehte lumturinë. Artistja falenderoi të gjithë bashkëpuntorët e saj teksa u ngjit në skenë për të marrë kupën e saj të fitores.
“Dua të them falemindeit cdokujt sepse ky album më ka mësuar shumë, besim, fuqi dhe kurajo. Më ka dhënë shumë dashuri dhe miqësi dhe jam shumë mirënjohëse për të gjithë njerëzit që krijuan këtë album”, u shpreh Dua pasi fitoi çmimin “Albumi më i mirë”.
Gjatë mbrëjmes së rëndësishme, ajo shkelqeu dhe e hapi shfaqjen me një performancë elektrizuese të disa prej hiteve të saj më të njohur nga “Future Nostalgia”.
