Safet Gjici, ish-kryebashkiaku I Kukësit po hetohet nga SPAK për shpërdorim detyre, ndërsa në video-skandalin e publikuar, përtej pjesës erotike, ka edhe një bisedë që mund ta ngarojë me përgjegjësi penale zyrtarin e dorëhequr.
Deri më tani SPAK thuhet se po mbledh pamjet filmike të Bashkisë së Kukësit për të parë nëse Alma.K, gruaja që shfaqet në videon e Gjicit ka pasur takime të mëparshme me Kryebashkiakun apo zyrtarë të tjerë të institucionit të drejtuar prej tij.
Gjithashtu konfirmohet se regjistrimi është bërë nga vetë gruaja, e cila mendohet se kameran e ka pasur të instaluar në çantën e saj.
Sipas gazetares Klodiana Lala, vajzës që shfaqet në video me të i janë mbajtur sendet personale para se të futej në zyrë, kjo pasi kohët e fundit Safet Gjici nuk lejonte askënd të futej me celular.
Dhe ajo që nuk dihet është që si ka mundësi që stafi I ish-Kryebashkiakut apo ky I fundit, ka lejuar që në zyrë ti hyjë dikush me çantë, kur ka pasur rregulla kaq strikte. Ndoshta ish-kryebashkiaku ka pasur besim te Alma K, edhe pse nga video e plotë e transmetuar, duket sikur mes tij dhe gruas nuk ka pasur lidhje të mëparshme apo njohje.
“Vajzës i janë mbajtur shumë gjëra jashtë para se të futej në zyrë, i janë mbajtur celularë… Kohët e fundit Gjici nuk lejonte që të futej asnjë me celularë. Vajza ka pasur katër kamera dhe ka shpëtuar vetëm një kamera që ka qenë e vendosur, një stilolaps në cepin e çantës, sipas SPAK. Pyetja që shtrohet është që e ka bërë për qëllime personale apo ka një tutor nga pas?
Kësaj pyetje duhet t’i japë përgjigje SPAK. Nga informacionet që kam, sipas hetimeve të SPAK, në një mbledhje të fundit në Bashkinë e Kukësit, një nga këshilltarët i ka thënë Gjicit: Qëndro edhe pak ditë në zyrën e bashkisë se do ta shohësh çfarë do të ndodhë’, tha Lala.
Discussion about this post