Takimin e sotëm me vlonjatë kryedemokrati Sali Berisha e ka mbyllur sërish me thirrje për protestë. Në çdo dalje të tij ai iu kërkon qytetarëve të ngrihen kundër qeverisë, ndërsa u shpreh se protestat duhet të bëhen jetike. Lideri i opozitës tha se protestat do të vazhdojnë për largimin e Edi Ramës nga pushteti. Berisha tha gjithashtu se është kryeministri ai që duhet të largohet nga vendi dhe jo qytetarët, ndërsa i këshilloi Ramës që të shkojë në Beograd te Aleksandër Vuçiç.
“S’ka diskutim, protestat do të jenë jetike. Sepse ky është armik. Ai që dhunon votën e qytetarëve të tij, është armik i qytetarëve të tij. Ishte Fatos Nano, pranoi, bëri përpjekje por jo, ishte në pushtet, u largua, dha dorëheqjen. Ky nuk njeh dorëheqjen. Ky ka kryer kaq shumë vjedhje dhe afera, ndaj i duken vampirë ky, politikë etj. Ndaj, ju ftoj, siç e përzutë, se e ju e përzutë këtë herë dhe u detyrua të zgjedhë Durrësin, ta përzëmë edhe nga Shqipëria, të ikë ai, jo shqiptarët. Të shkojë në Beograd, atje e ka mikun e vet, të bëjë biznes dhe të bëjë çdo gjë me atë. Problemet e rëndësishme që ju ngritët do të jenë pjesë thelbësore e programit të PD“, u shpreh Berisha.
Discussion about this post