Edhe pse çështjet e zemrës nuk i ka mirë, Loredana po arrin ndërkombëtarisht suksese të mëdha. Reperja është shpallur artistja më e klikuar në rrjetin social “Tik Tok” në Zvicër për këtë vit.
Kjo vjen pasi ajo fitoi çmimin “Best Swiss Act” në “MTV EMA”. Reperja asokohe ndau në Instagramin e saj disa momente nga pjesëmarrja në ceremoninë e ndarjes së çmimeve.
Krahas kolazhit me foto e video, Loredana shkroi edhe një mesazh të gjatë në gjuhën gjermane, ku nuk harroi të falenderonte edhe të gjithë mbështetësit e saj.
“Nuk harrova të them faleminderit.. Nuk e di nëse më lejohet të jem kaq e “keqe” dhe të them se kam lindur për këtë? Por më duket sikur… si duhet të them faleminderit? Faleminderit? Nuk mjafton kjo…pse dreqin e meritova në fakt gjithë këtë? Jam konfuze.. Faleminderit njerëz që besoni në mua.. ju dua.. mendoj se i dua te gjithë në këtë botë. Sa keq që nuk jam e mirë me fjalë. Do të doja të kishit mundësinë që të dëgjonit zemrën time. Ju dua të gjithëve!”
Discussion about this post