Ministrja e Shtetit për Marrëdhëniet me Parlamentin, Elisa Spiropali, ka komentuar sot vendimin e Gjykatës Kushtetuese për të mos shkarkuar presidentin Ilir Meta. Ajo tha gjatë një interviste televizive se, ajo e respekton vendimin e GjK, edhe pse nuk është plotësisht dakord. Më tutje ajo u shpreh se, mazhoranca e ka bërë të qartë mendimin e saj për presidentin Meta qoftë me fjalë, por edhe me vota. Më tej Spiropali shtoi se presidenti e ka shkelur Kushtetutën me të dyja këmbët.
“Se çmendojmë për Metën e kemi shprehur me fjalë dhe votë dhe i qëndrojmë votës tonë. Kuvendi e ka shkarkuar Metën, kemi një vendin të Gjykatës Kushtetuese dhe në nuk gjykojmë mbi gjykimet e gjykatave. Ne respektojmë vendimin e GjK por kemi të drejtën e mendimit dhe gjykimit tonë. Ne gjykimin e kemi dhënë me votë, për ne e ka shkelur me të dyja këmbët Kushtetutën. Ne ëndërrojmë të kemi në kryer një president që mund të komunikohet që nuk nxit urrejtje dhe nuk ka sfurqe e mjete të tjera”, tha ajo.
Sakaq, ajo tha se në muajin prill do nisin procedurat për zgjedhjen e presidentit të ri dhe se qeveria do të marrë vendimin e qytetarëve gjithashtu, përmes Këshillimit Kombëtar.
Discussion about this post