Shteti zviceran ka dalë në Gjykatën Europiane të të Drejtave të Njeriut pasi nuk ka arritur të relizojë dieta vegane për një të burgosur dhe pacient në repartin psikiatrik të një spitali.
Gjykata, e cila është pjesë e Këshillit të Evropës këtë javë i kërkoi zyrtarisht shtetit të saj anëtar Zvicrës që t’i përgjigjet dy ankesave se institucionet shtetërore zvicerane nuk kishin siguruar një dietë krejtësisht vegane për dy denoncuesit ndërsa ata ishin në burg dhe në njësinë psikiatrik spitalore.
Gjykata e Strasburgut, e cila rrëzon rreth 95% të çështjeve të paraqitura për shqyrtim, pranoi ankimin, ndërsa në vendimin e saj të bërë publik këtë javë, gjykata në mënyrë specifike i kërkoi shtetit zviceran të shqyrtonte nëse burgu i Gjenevës kishte shkelur nenin 9 të Konventës Evropiane të të Drejtave të Njeriut, i cili thotë se “çdokush ka të drejtën e lirisë së mendimit, ndërgjegjes dhe fesë”. .
Shteti zviceran ka tani tre deri në katër muaj për t’iu përgjigjur pyetjeve të GJEDNJ-së, pas së cilës gjykata evropiane ka të ngjarë të sqarojë pozicionin e saj nëse e drejta për një dietë vegane në burg dhe spital është e sanksionuar në konventë.
Discussion about this post