Kreu i grupit parlamentar të Partisë Demokratike Enkelejd Alibeaj u shpreh sot nga Kuvendi se mocionin për integrimin e Shqipërisë në BE e kërkoi vetë. Ai shtoi në mënyrë ironike se nuk përfaqëson askënd dhe asgjë nuk e lidh me grupin e ish-kryeministrit Sali Berisha.
“Këtë mocion e kam kërkuar unë. Nuk përfaqësoj askënd dhe nuk dua të përfaqësoj ata me të cilët nuk më lidh asgjë. E kemi kërkuar ne, dhe ne do ta çojmë deri në fund. Këtë mocion kam një muaj që e kam depozituar dhe një muaj e mbajtët në sirtar. Askush fare nuk u kujtua dhe vetëm sot ranë dakord.”, deklaroi Alibeaj gjatë fjalës së tij.
Discussion about this post