Ndërkohë që policia vijon kërkimet për të gjetur trupin e 10-vjeçarit që u mbyt dje në lumë, kanë folur sot daja dhe të afërmit e tij, të cilët kanë dhënë më shumë detaje. Ata kanë ka zbuluar se vëllai i fëmijës ka tentuar që ta shpëtojë, por nuk ia ka dalë, teksa hedhin akuza mbi policinë, sipas të cilëve nuk kanë mbërritur në kohë.
“Mbrëmë mora vesh lajmin për po luante tok dhe është mbyt, vëllai i vet ka munduar që ta shpëtoj, por nuk ka mundur, lajmëro një, lajmëro një tjetër, s’kanë ardhur shumë njerëz, kanë qenë shumë pak, kemi kërkuar që mbrëmë, policia nuk ka ardhur në orar, e kanë njoftuar në 05:00, në orën 09:00 ka ardhur policia. Ishalla do Zoti gjendet, por shteti të marrë masa, jo 5 policë, po nja 30, se lumi është shumë i fortë, merr përpara dhe makinën”, tha daja i fëmijës.
Më tutje një i afërm tha se edhe vëllai të miturit ka qenë në rrezik të mbytet por fatmirësisht ja doli. I Mituri ka shkuar në shtëpi i lagur totalisht, duke qarë dhe ka thënë se nuk arriti ta shpëtonte dot të vëllain që po mbytej.
“Djali ka qenë dje në orën 03:30, është mbytur në ujë, ka qenë duke luajtur top, ka shkuar e ka marrë topin dhe e ka marrë lumi, që nga ora 05:00 po kërkonim ta gjenim, ka pasur mobilizim të pakët, ka ardhur policia, janë duke bërë plan si ta gjejnë, prandaj i bëjmë thirrje shtetit që të çohet në këmbë, se me qenë diku tjetër bëhet problem, vetëm në Shqipëri jo. Djali ka qenë me vëllain e vet dhe 2-3 shok të vet, i vëllai ka ra në ujë deri në fyt për ta nxjerrë dhe ai ka shkuar i lagur në shtëpi, për fat doli dhe shpëtoi, kurse ai i shkreti ka që në 03:00 në ujë, është zall shumë i vështirë, kjo punë do mobilizim të madh e është zall i vështirë, nuk kemi ça presim, të paktën ta gjejmë dhe ta çojmë te shtëpia, ka shumë pak mobilizim”, tha i afërmi i tij.
Policia njofton se po vazhdon edhe sot kërkimet, por ende asnjë shenjë nga vogëlushi.
Discussion about this post