Në muajt e fundit është rritur shumë numri i aksidenteve në vendin tonë dhe një pjesë e mirë e tyre ka përfunduar me humbje jete. Në lidhje me këtë ka folur gjatë një interviste televizive, Gëzim Hoxha, ekspert i sigurisë rrugore, i cili tha se në vendin tonë shkak kryesor i gjithë aksidenteve është mungesa e ndërgjegjësimit qytetar. Ai shprehet se aksidentet e shumta tani nuk shkaktohen nga shoferë të mëdhenj në moshë por të rinjtë, që sipas tij duke mos pasur njohuritë e duhura bëhen dhe burim aksidenti, pasi sipas tij nuk janë mirë dhe të aftë mendërisht për të drejtuar mjetin.
“Po ta vesh re kemi një shtim të forcave të policisë në rrugë, pra nuk mungojnë masat policore por ndërgjegjësimi qytetarëve. Tregon se nuk janë të aftë të rinjtë nuk janë mirë mendërisht për të drejtuar mjetin sepse disa prej tyre përdorin drogë, alkool dhe këta dalin në trafik dhe janë dëm i rrezikshëm për shoqërinë. Ne e kemi mjaft shqetësim humbjen e jetëve të njerëzve. Polici bën aq sa duhet, por secili duhet të bëhet polici vetvetes. Ka nevojë për ndryshime të kodit rrugor kërkohet ndërtimi i një grupi pune i cili ta ribëjë me standardet evropiane kodin rrugor”, tha ai.
Ndër të tjera ai shtoi se me rëndësi është edhe bërja e “testit të idiotit” për të kuptuar që nga fillimi nëse duhet ti hyjë kursit të autoshkollës një qytetar apo jo. “Kjo kërkon të nisë që nga autoshkolla, policia është hallka e fundit e sigurisë rrugore e cila zbaton rregullsinë. Ne kemi nevojë për testin e idiotit sepse kjo i duhet bërë të gjithë shqiptarëve që hyjnë në autoshkollë. Kanë 15 vjet italianët që e kanë këtë test, sepse ky test i pengon njerëzit që kanë probleme të jenë në qarkullim. Ai test të jep të drejtën të jesh apo jo drejtues mjeti. Sepse luhet me jetë njerëzish”, tha ai. Gjithashtu kërkohen edhe ndryshime në kodin rrugor, kërkohet ndërtimi i një grupi pune i cili ta ribëjë me standardet evropiane kodin rrugor.
Discussion about this post