Presidentit i Brazilit, Jair Bolsonaro do të hetohet për mënyrën se si e ka menaxhuar pandeminë e koronavirusit. Senati ka përkrahur raportin që kërkon ngritjen e akuzave kundër Bolsonaros. Akuzat përfshijnë krime kundër njerëzimit, pasi autoritetet kanë regjistruar më shumë se 600 mijë vdekje nga koronavirus. Presidenti është shprehur se nuk është fajtor për asgjë, por tashmë popullariteti i tij është dëmtuar nga ky lajm.
SHBA është i vetmi vend që ka regjistruar më tepër viktima se Brazili, si pasojë e Covid-19. Në raport përmenden dyshime se Qeveria e Bolsonaros ka zbatuar një politikë që ka mundësuar përhapjen e koronavirusit brenda shtetit, me shpresën e arritjes së imunitetit të tufës.
Nuk ka ende garanci nëse do të ngrihet akuza penale ndaj tij, për shkak se rekomandimet e raportit duhet të analizohen nga Prokurori i Përgjithshëm, Augusto Aras, i cili shihet si një person që do të mbrojë presidentin.
