Administrata e fryrë sipas Adri Nurellarit, nuk reflektohet tek dixhitalizimi dhe tek një sërë shërbimesh.
Sipas tij, nëse kjo fryerje e administratës nuk do të ishte prezente, numri i të papunëve do të ishte më i lartë se në 2013-ën, vit ne të cilin Partia Socialiste mori pushtetin.
Punësimi i 12 mijë personave vetëm vitin e fundit, bën që Nurellari të gjejë ngjashmëri mes kryeministrit Rama dhe Gruevskit, pasi sipas tij kjo është forma me të cilën Rama po mban pushtetin.
“Si shpjegohet që vetëm vitin e fundit janë 12 mijë të punësuar të tjerë? E ka marrë 165 mijë të punësuar në 2013 ndërkohë popullsia ka ikur, janë automatizuar shërbimet dhe proceset, ka ardhur 183 mijë. Numër i ngjashëm i njerëzve që ka pas punësuar Gruevski, kështu e mbante pushtetin duke punësuar njerëz që nuk kishin as zyra ku të rrinin.”
Sipas Nurellarit, nëse do të kishte procese të automatizuara dhe shërbime publike nga operatorë privatë, nuk do duhej të ishin aq të punësuar sa rezultojnë.
“Nuk është rastësi skandali i patronazhit. Nëse janë proçese të automatizuara nuk duhet të ketë më njerëz në ato zyra, nëse ke pajtuar shërbime publike nga operatorë privatë do të duhet të mos kishe aq të punësuar. Të gjitha rrethanat do të kishin çuar në ulje të të punësuarve dhe ke të kundërtën. Shtohen për të siguruar vota dhe kjo shpjegon dhe fitoren elektorale të sivjetshme.”, shtoi Nurellari.
Discussion about this post