Nesër nis zyrtarisht viti i ri shkollor, i dyti vit që do të zhvillohet nën kushtet e pandemisë.
Nisja e tij u shty për shkak të përkëqësimit të situatës së pandemisë covid 19, por dhe për të realizuar një përmbledhje të njohurive që ishin marrë me mangësi për shkak të zhvillimit të tij online, vitin e shkuar.
Nxënësit zhvilluan rreth dy javë mësim plotësues dhe tashmë do të rikthehen në bankat e shkollës.
Maskat, distanca fizike dhe higjena janë të detyrueshme të zbatohen, ndërsa arsimtarët duhet të jenë të vaksinuar. Në rast të një përkeqësimi të situatës së pandemisë, zhvillimi i mësimit mund të ndiqet online, kjo sipas urdhërit të Ministrisë.
Më herët, disa ekspertëve kanë thënë se mund të jenë vetë shkollat që do të vendosin se si do të zhvillojnë mësimin, në varësi të situatës epidemiologjike.
Ndërkohë, ky vit pritet të jetë një vit i vështirë për sistemin arsimor shqiptar, pasi mbetet sfida me Covid-19.
Vendimet e autoriteteve përkatëse kanë hasur shpesh në mosdakordësi. Kujtojmë që mësimi online nuk ishte një praktikë e mirëpritur për shkak të të mangësive në njohuri. Ndërsa, prindërit janë të pakënaqur që fëmijët e tyre mund të realizojnë procesin mësimor me turne.
Këta të fundit kanë reaguar në lidhje me turnet, duke nisur një peticion, i cili do t’i drejtohet institucioneve arsimore.
“I bëjmë thirrje Ministrisë të rishikojë vendimin dhe t’i kthehemi normalitetit” mësohet të jenë shprehur prindërit.
Ndërsa, mbetet për t’u parë këtë vit zhvillimi i procesit mësimor dhe në qoftë se peticioni do të merret parasysh nga ana e institucioneve përkatëse.
