Nxirret nga gremina trupi i Rruzhdi Hoxhës

Forcat Renea kanë nxjerrë nga gremina trupin e biznesmenit Rruzhdi Hoxha, i cili u gjet i vrarë në Dajt.
Nxjerrja e tij është bërë me ndihmën e pajisjeve të posaçme, pas një pune të nisur që prej paradites.
Trupi i Hoxhës u gjet rreth 200 metra larg rrugës kryesore dhe ishte thuajse i dekompozuar. Gjithashtu ai ishte mbuluar me grumbuj gurësh, ku dyshohet se kjo gjë ka ndodhur rreth 13 ditë më parë.

Pak më parë policia gjeti sendet e biznesmenit në zonë, rrobat e tij të cilat më pas e çuan grupin hetimor drejt vendit ku ishte hedhur trupi i tij.

Pistat kryesore në të cilat po heton policia janë ajo e borxheve dhe përfshirja në aktivitet kriminal. I dyshuar për vrasjen është shoku i tij Fredi Rrushi, ku të dy ishin të përfshirë në trafikimin e lëndëve narkotike dhe kultivimin e kanabisit.

Hoxha u gjet i vrarë me një plumb pas koke dhe i groposur.