Themeluesi i Tesla, Elon Musk deklaroi se do rikthejë ish-presidentin e SHBA, Donald Trump në Twitter sapo ai të marrë zyrtarisht në dorë “çelësat” e kompanisë. Marrëveshja prej 44 miliardë dollarësh pritet të nënshkruhet këtë të premte rreth orës 17:00.
“Ndalimet e përhershme duhet të jenë jashtëzakonisht të rralla. Unë mendoj se nuk ishte e drejtë ndalimi i Donald Trump. Arsyeja pse bleva Twitter, është sepse është e rëndësishme për të ardhmen e qytetërimit që të ketë një shesh të përbashkët digjital, ku një gamë e gjerë besimesh mund të debatohet në një mënyrë të shëndetshme pa u drejtuar ndaj dhunës”, shkruan mes të tjerash Musk.
Trump u hoq nga Twitter dhe platforma të tjera të mëdha të mediave sociale pas ngjarjeve në Kapitolin e SHBA më 6 janar 2021. Ish-presidenti u akuzua për nxitjen e mbështetësve të tij për trazira në Kapitol, ndërsa Kongresi ishte në seancë për të certifikuar zyrtarisht fitoren e Presidentit të zgjedhur Joe Biden në Kolegjin Zgjedhor. Më parë Musk ishte shprehur se ndihej i tronditur për ndalimin e Trump nga Twitter.
Discussion about this post