Arrestohet Jack Teixeira, i cili ishte identifikuar si i dyshuari për publikimin e dokumentave sekrete në SHBA.
Agjentët e FBI-së u shkuan në shtëpinë e tij në Massachusetts dhe agjentët taktikë të armatosur rëndë e morën 21-vjeçarin, i cili kishte veshur një bluzë dhe pantallona të shkurtra.
Dy zyrtarë të zbatimit të ligjit i thanë NBC News më parë se Teixeira ishte një anëtar i Gardës Kombëtare Ajrore të Massachusetts.
Është raportuar se Teixeira ishte në një grup privat në internet të quajtur Thug Shaker Central ku kryesisht të rinj dhe adoleshentë “u bashkuan për një dashuri të përbashkët për armët, memet raciste në internet dhe videolojërat”.
Korrespondenti i Sky News James Matthew tha se ai po “mburrej” për aksesin e tij në informacione të ndjeshme për njerëzit në grup.
Dokumentet e zbuluara kanë përfshirë informacion mbi dobësitë e mundshme në mbrojtjen e Ukrainës, si dhe numrin e forcave speciale të Mbretërisë së Bashkuar që dyshohet se janë aktive atje. Çuditërisht, ato u shfaqën në një forum lojrash në internet.
Discussion about this post