Kryeministri Edi Rama, në një postim në “Twitter”, e quan fabrikim e shpifje, lajmin se studentët janë nxjerrë nga konviktet në Qytetin Studenti për të liruar hapësirat për strehimin e afganëve që do të vijnë në Shqipëri.
Rama shkruan se ky fabrikim është nga e njëjta dorë që ka vulosur ngjarjet më të zeza në 30 vite.
“Lidhja e strehimit paraprak të afganëve që janë si ne 30 vjet më parë, me gjoja nxjerrjen e studentëve nga konviktet është fabrikim i të njëjtës dorë që prej 30 vjetësh ka vulosur ngjarjet më të zeza e prodhuar shpifjet më të ulëta në këtë vend! Ajo dorë është #TurpiiShqiptarisë”, shkruan Rama.
Ndërsa kujtojmë se një ditë më parë studentët reaguan ashpër duke kërkuar zgjidhje për situatën e krijuar.
