Bashkia ka nisur të prish shtëpitë te “5 Maji”, ndërsa banorët vazhdojnë rezistencën dhe dalin çdo ditë në protestë. Ata deklarojnë për mediet se nuk do të ndalen derisa të marrin dëmshpërblimin që iu takon. Njeri prej tyre tha se, projekti që parashikon shembjen e shtëpive të tyre, ishte një projekt korruptiv pasi planifikon ndërtimin e dyqaneve, kisha e xhami duke sakrifikuar shtëpitë e tyre.
“Nuk mund të ndërtojnë kishat dhe xhamia përmbi shtëpitë tona. Fakti që ai thotë do ndërtoj xhami dhe kisha, del kryebashkiaku dhe i thotë kryeministrit: po deshe bëjmë edhe ca zyra këtu. Pra nuk ka një projekt se pot ë kishte projekt nuk mund të shtonte zyrat sipas dëshirës.
Të ma gjejë dikush ku është lidhja mes xhamisë dhe kishës me tërmetin. Pastaj këtu do ketë me mijëra dyqane. A mund të na thotë bashkia se kush do të merret me këto dyqane. Do shkojnë në xhepin e dikujt. Ky është një projekt mafioz”, tha ai.
Banorët këmbëngulin se do të vazhdojnë qëndresën e tyre deri në momentin që dikush nga bashkia të vijë dhe të sqarohet me tan ë mënyrën e duhur duke i siguruar se do të marrin një ambient tjetër si dëmshpërblim për banesat e shembura. Madje të revoltuar, ata thonë se Erion Veliaj po prish banesat e tyre, për vjedhur para me projekte të tilla abuzive. “I them kryetarit: o pleh, o kryetar pleh, ti vjen e shemb shtëpitë e banorëve dhe u thua se janë kotec pulash. Ndërkohë më nxjerr këtu që kam 500 metër katrorë, po pse a kotec mund të konsiderohet gjithë ky ambient’, u shpreh ai. Deri më tani janë prishur 11 banesa në zonën e 5 majit.
Discussion about this post