Ndonëse masat anti-Covid janë ende në fuqi, bizneset vijojnë të abuzojnë me thyerjen e orës policore dhe mbajtjen hapur të lokalit pas orarit të vendosur nga Komiteti i Ekspertëve.
Kështu, policia njofton se është proceduar penalisht një grua pasi mbante hapur lokalin e saj, me muzikë, gjatë orës policore, dhe nuk iu bind urdhrit të policisë për ta mbyllur.
Gjithashtu, gruaja në fjalë është gjobitur me masën administrative 1.000.000 lekë, për ushtrim aktiviteti në kundërshtim me Aktin Normativ.
Po nga specialistët për Hetimin e Krimit u arrestua në flagrancë një 31- vjeçar, pasi është kapur në flagrancë, në lagjen nr.1, në vendin e quajtur “Pishinat e qytetit”, duke u marrë para drejtuesve të mjeteve që parkonin në parkim publik.
Discussion about this post