“Covaxin” prodhim indian është vaksina më e re e miratuar nga Organizata Botërore e Shëndetësisë, për përdorim kundër Covid-19.
Sipas OBSH-së, përfitimet e përdorimit të vaksinës Covaxin tejkalojnë rreziqet dhe kjo vaksinë është jashtëzakonisht e përshtatshme për vendet me të ardhura të ulëta dhe të mesme, për shkak të kërkesave të lehta për ruajtje.
Covaxin prodhohet nga kompania Bharat Biotech dhe efektiviteti i saj është rreth 78 për qind.
Miratimi nga OBSH-ja hap rrugën që vendet pa rregullatorë mjekësorë, t’i ndjekin udhëzimet e kësaj organizate për përdorimin e vaksinave.
Deri në mes të tetorit, në Indi janë dhënë mbi 110 milionë doza të kësaj vaksine.
Gjashtë vaksinat e tjera kundër koronavirusit, të miratuara nga OBSH-ja, janë: AstraZeneca, Pfizer/BioNTech, Johnson & Johnson, Moderna, Sinopharm dhe Sinovac.
Discussion about this post