Organizata Botërore e Shëndetësisë paralajmëron për krizën e thellë humanitare në Rripin e Gazës, duke theksuar se për të rindërtuar sistemin shëndetësor nevojiten të paktën 7 miliardë dollarë.
Sipas OBSH-së, situata në Gaza mbetet kritike: vetëm 14 nga 36 spitalet janë funksionale, ka mungesë të madhe ilaçesh dhe stafi shëndetësor është i pamjaftueshëm. Drejtori i Përgjithshëm i OBSH-së, Tedros Adhanom Ghebreyesus, deklaroi: “Kostoja totale e rindërtimit të sistemit shëndetësor të Gazës do të jetë të paktën 7 miliardë dollarë.”
Ndihmat humanitare që kanë hyrë në rajon janë të pamjaftueshme, ndërsa uria vazhdon të prekë popullsinë. Për herë të parë që nga hyrja në fuqi e armëpushimit më 10 tetor, OBSH ka evakuuar fëmijë të sëmurë dhe të plagosur jashtë Gazës. Afërsisht 150,000 pacientë presin ende miratimin për të marrë trajtim jashtë enklavës palestineze.
Organizata apelon për solidaritet ndërkombëtar dhe kërkon që të hapen të gjitha rrugët për transferimin e pacientëve, që aktualisht kontrollohet nga autoritetet izraelite.
Discussion about this post