Për të 27-in vit është mbajtur festivali “Oda Dibrane”, ku qindra artistë të muzikës popullore për tre mbrëmje garuan në sallën e pallatit të kulturës të Peshkopisë. Këtë vit drejtori I festivalit Veli Vraniçi zgjodhi Peshkopinë, ndërsa një vit më parë u mbajt në Maqedoni. 18 grupe me 450 artistë nga të gjitha trevat shqipfolëse kanë promovuar vlerat folklorike.
“Jemi nga Vlora sollëm folkun çam” – tha valltari vlonjat. Një prej tyre është vallja e dasmës. Çamëria ka traditë për dasmën dajoja, vëllai i nënës sjell bakllavanë në dasëm me 100 petë,” – shpjegoi një prej valltareve.
Ndërsa Prof. Jeton Pustina, Dekan i Fakultetit të Arteve në Universitetin e Tetovës kërkoi që një festival I këtij lloji të ketë më shumë mbështetje nga pushtetarët e vendeve pjesëmarrëse. Vlerësime për këtë festival plot ngjyra dha dhe tenori Kastriot Tusha që ishte pjesë e jurisë.
Çmimin e pare në edicionin e 27-të e fitoi grupi folklorik “Përparim Tomçini” i Ansamblit Dibra , çmimin e dytë Ansambli “Jahi Hasani” nga Gostivari , ndërsa çmimin e tretë e fituan ansambli “Krahu i Shqiponjës” i Vlorës dhe grupi folklorik “Gjergj Arianiti” I Mallakastër, i cili u vlerësua edhe për kostumografinë.
