OECD i kërkon shtetit shqiptar që të mos humbas më kohë dhe të fillojë të godasë zyrtarët e lartë të korruptuar. Përmes një raporti të publikuar sot për vendin tonë, OECD tregon se kemi përmirësime në disa fusha, por korrupsioni i lartë shtetëror vijon të mbetet shumë problematik. OECD thotë se, qeveria dhe institucionet e drejtësisë nuk kanë vërë punën e duhur dhe kjo duket nga fakti që, pavarësisht se janë shtuar hetimet, dënimet vijojnë të mbeten të ulta.
Në raport thuhet se është e nevojshme që të rritet transparenca nga sistemi i drejtësisë dhe të eliminohet pandeshkueshmëria, pasi nga 90 të hetuar janë dënuar vetëm 5. “Edhe pse Shqipëria ka bërë përparim të konsiderueshëm, ajo duhet të bëjë më shumë përpjekje në disa fusha. Vlerësohet nën mesatare qasja në financë; shkencë, teknologji dhe inovacion, politikë mjedisore dhe dimensionet e politikave kundër korrupsionit.
Analiza është e nevojshme për të identifikuar dhe trajtuar faktorët që qëndrojnë pas mospërputhjes midis numrit të madh të hetimeve dhe numrit të vogël të dënimeve nga 90 rastet kundër zyrtarëve të nivelit të lartë të dërguar për ndjekje në vitin 2019, vetëm 5 persona u dënuan. Duhet të bëhet një vlerësim i drejtë dhe transparent për të identifikuar pengesat që parandalojnë ngritjen e aktakuzës dhe për të rritur efektivitetin e luftës kundër korrupsionit të nivelit të lartë”, thuhet në raport.
Gjithashtu, OECD kërkon që qeveria të tregohet më transparente në projektet me investitorë të huaj, si dhe të rrisë bashkëpunimin me bizneset dhe universitete vendase. Ndër të tjera këshillohet që investimet dhe të ardhurat të menaxhohen me kujës. “Nevojitet një hartë e qartë e situatës për të identifikuar prioritetet kryesore të investimeve. Qeveria duhet të përpiqet t’i financojë këto projekte sa më shumë që të jetë e mundur nga buxheti i brendshëm dhe tarifat më të larta të ujit.
Shpenzimet publike në kërkime arritën në vetëm 0.06% të PBB -së në 2018. Kjo mund të rrezikojë qëllimin e saj për të rritur investimet në kërkime në 1% të PBB -së deri në vitin 2022. Për të arritur këtë qëllim, qeveria duhet konsideroni zgjerimin e gamës së stimujve financiarë për bashkëpunimin midis bizneseve dhe akademisë”, thuhet në raport.
Për konkurrueshmërinë në vend, OECD thotë se Shqipëria nga 15 komponent kryesor në 10 prej tyre ka bërë përparim. Kryesisht sipas raportit ka pasur progres në politikën tregtare, politikën e arsimit, politikën e energjisë, politikën e taksave, politikën e investimeve dhe promovimin, si dhe dimensionet e politikës së punësimit.
