Deputeti i Partisë Demokratike, Oerd Bylykbashi se largimi i Berishës nga PD ka sjellë pasojë të rëndë që çon në çarjen e partisë. Përmes një interviste televizive ai tregoi se, se kjo vjen nga një veprim i padrejtë i kryetarit të partisë dhe shtoi se tani po ndesh një zgjim në PD pas humbjes në zgjedhjet parlamentare të 25 prillit.
“Ka ndodhur diçka e madhe dhe ka prodhuar dy gjëra. Ka prodhuar një reaksion të fortë në bazën e partisë dhe kjo duket shumë qartë jo vetëm në reagimet në rrjetet sociale, por edhe tek ajo që po ndodh në “Foltoren” e z. Berisha që ka pasur një kreshendo fare të qartë”, deklaroi deputeti i PD.
Sipas z. Bylykbashi pëlqyeshmëria për ish-kryeministrin brenda bazës së PD mund të jetë shumë më e lartë se sa e nxjerr sondazhi i “Barometrit” për qytetarët dhe votuesit e PD në veçanti.
“Ajo që nuk arrin dot sondazhi ta prekë, kjo është një përplasje e madhe për demokracinë brenda partisë, tek baza e anëtarësisë që është më e vogël se sa votuesit e PD që janë rreth 75 mijë zyrtarisht. Ata kanë ide shumë më të qarta dhe interesa shumë më të forta mbi atë që po ndodh”, u shpreh deputeti i PD.
Oerd Bylykbashi tha më tej se Basha do të duhet të arsyetonte para vendimit për përjashtimin e Berishës.
