Chelsea është duke bërë gati një ofertë të çmendur transferimi pasi Erling Haaland la të kuptohet se do të donte të qëndronte në Borussia Dortmund.
Blutë e kanë kthyer Haaland në objektivin e tyre më të lartë të transferimit këtë verë dhe po konsiderojnë një ofertë marramendëse prej 135 milionë paundësh, ndrësa nga ‘The Sun’ raportohet se një propozim i mëparshëm me lojtarë në shkëmbim plus para është refuzuar.
Sidoqoftë, sulmuesi mbetet i përqendruar në Dortmund dhe pret që të punojë me prurjen më të re të klubit Donyell Malen.
Malen arriti nga PSV Eindhoven për të zëvendësuar Jadon Sancho, i cili u bashkua me Manchester United pas një marrëveshje prej 73 milionë paundësh.
Norvegjezi bëri shaka duke thënë se ai do të çmendet me Malen nëse nuk i jep shumë asistime këtë sezon.
Haaland tha: “Unë i thashë të më jepte shumë asistime, përndryshe do të zemërohem me të. Shpresoj se do të luajmë së bashku në sulm. Ai është këtu për të bërë një ndryshim. Ai duhet të sjellë një energji pozitive dhe të shërbejë nga minuta e parë sepse BVB është një klub i madh.”
Kjo vjen pasi Haaland u shpreh se ai shpreson se raportet që e lidhin atë me një lëvizje te Chelsea janë “vetëm thashetheme”.
Kjo ndodh sepse 21-vjeçari beson se çmimi i kërkuar nga gjermanët, prej 175 milionë eurosh është shumë për një person.
Ndër të tjera raportohet se Dortmund nuk do ta shesë Haaland këtë verë për asgjë më pak se 150 milionë paund, pavarësisht një klauzole të pretenduar prej 65 milionë paund që hyn në lojë vitin e ardhshëm./Gijotina.com
