Një tjetër sulm ka ndodhur ndaj gazetarëve shqiptarë.
Së fundmi raportohet se Rinë Haziri, gazetare e Lajmi.net është përballur me një sulm verbal nga një person teksa raportonte nga Brezovica.
Në pamjet e publikuara shihet dhe dëgjohet një person teksa i thotë të mos incizojë.
Më tej bëhet e ditur se i njëjti person ka dalë nga vetura dhe me dhunë ia ka kapur telefonin nga dora, duke vazhduar ta kërcënojë edhe me fjalë të tjera.
Asociacioni i Gazetarëve të Kosovës është i shqetësuar me pengimin dhe sulmin ndaj gazetares, Rinë Haziri, dhe i bën thirrje Policisë së Kosovës që rastin ta trajtojë me prioritet në mënyrë që personi të mbahet përgjegjës për veprimet.
Discussion about this post