Një hetim i Kombeve të Bashkuara në muajt e parë të luftës në Gaza ka zbuluar se si Izraeli ashtu edhe Hamasi kanë kryer krime lufte dhe shkelje të rënda të ligjit ndërkombëtar.
Ky është hetimi i parë i thelluar për sulmet e 7 tetorit dhe konfliktin që pasoi.
Raportet të publikuara të mërkurën, të cilat mbulojnë ngjarjet deri në fund të vitit 2023, paraqesin një pamje alarmante të të dyja palëve që shpërfillin rregullisht ligjin ndërkombëtar në një konflikt shkatërrues, shkruan CNN.
Raportet e Komisionit Hetimor të Kombeve të Bashkuara fillojnë më 7 tetor, ditën kur Hamasi dhe grupet e tjera të armatosura palestineze filluan një sulm në jug të Izraelit, i cili vrau më shumë se 1200 njerëz, kryesisht civilë. 250 të tjerë u morën peng.
Krimet e luftës të cituara nga komisioni atë ditë përfshinin drejtimin e qëllimshëm të sulmeve kundër civilëve, vrasjen e qëllimshme, torturën, trajtimin çnjerëzor ose mizor, cenimin e dinjitetit personal dhe marrjen e pengjeve, duke përfshirë fëmijë.
Masakrat e asaj dite e shtynë Izraelin t’i shpallë luftë Hamasit dhe të nisë një sulm në Gaza që ka shkatërruar pjesën më të madhe të enklavës së populluar dhe ka vrarë më shumë se 37,000 njerëz, sipas autoriteteve shëndetësore të Gazës.
Në 2 muajt e parë të konfliktit, zbuloi komisioni, Izraeli kreu krime lufte si dhe krime kundër njerëzimit, ky i fundit përkufizohet si një sulm i përhapur, sistematik i drejtuar ndaj një popullsie civile. Krimet e supozuara të luftës të Izraelit përfshijnë urinë, ndalimin arbitrar dhe vrasjen dhe gjymtimin e “dhjetëra mijëra fëmijëve”.
Si Izraeli ashtu edhe Hamasi kryen dhunë seksuale dhe tortura dhe sulmuan me dashje civilët, sipas raporteve, të cilat përfshijnë më shumë se 200 faqe.
Komisioni tha se gjetjet e tij bazoheshin në intervista me viktima dhe dëshmitarë, mijëra artikuj me burim të hapur të verifikuara përmes analizave mjekoligjore, qindra parashtresa, imazhe satelitore, raporte mjeko-ligjore mjekësore dhe mbulim mediatik, duke përfshirë disa hetime kyçe të CNN.
CNN i është drejtuar qeverisë izraelite dhe Hamasit për koment. Izraeli njoftoi më parë refuzimin e tij për të bashkëpunuar me hetimin.
Gjykata Ndërkombëtare Penale njoftoi muajin e kaluar se po kërkonte urdhër-arreste për disa liderë të lartë të Hamasit dhe izraelit, duke përfshirë kryeministrin izraelit Benjamin Netanyahu me akuza për krime lufte dhe krime kundër njerëzimit.
Sulmet e 7 tetorit
Militantët e Hamasit rrëmbyen pengjet “pa marrë parasysh moshën apo gjininë”, thuhet në raport. Në veçanti, ata synonin gratë, trupat e të cilave “përdoreshin si trofe fitoreje nga autorët meshkuj”, zbuloi raporti.
Komisioni tha se kishte “prova të dokumentuara të dhunës seksuale” të kryera nga grupet e armatosura palestineze në disa vendndodhje në jug të Izraelit më 7 tetor.
Komisioni kishte shqyrtuar gjithashtu dëshmitë e përdhunimit të mbledhura nga gazetarët dhe policia izraelite, por tha se nuk ishte në gjendje t’i verifikonte ato në mënyrë të pavarur për shkak të mungesës së aksesit në viktimat ose vendet e krimit dhe për shkak se Izraeli pengoi hetimet e tij.
Autorët e raportit veçuan numrin e fëmijëve izraelitë, shumë prej të cilëve ishin dëshmitarë të vrasjeve të prindërve, vëllezërve dhe motrave të tyre dhe ishin në shënjestër për rrëmbim./
Discussion about this post